बढैयाताल, बर्दिया । बर्दियाको बढैयाताल गाउँपालिका वडा नं १ स्थित शान्तिपुरमा संचालित दोश्रो वडास्तरीय फुटबल प्रतियोगितामा बुधबारको खेलमा वडा नम्बर ४ र ८ बिजयी भएको छ ।
जगदम्बिका माध्यमिक बिद्यालयको खेल मैदानमा जारी प्रतियोगितामा बुधबार भएको दुई खेलमध्ये पहिलो खेलमा वडा नम्बर ४ र ८ पेनाल्टी शुटआउटमा बिजयी भएको हो ।
पहिलो खेलमा निर्धारित समयमा वडा नम्बर ८ र ९ बराबरीमा पुगेपछि पेनाल्टी सुटमा वडा नम्बर ९ लाई ५ गोल विरुद्ध ६ गोल प्रहार गर्दे वडा ८ बिजयी भएको हो ।
यस्तै दोस्रो खेलमा पनि निर्धारित समयमा वडा नम्बर ४ र ७ बराबरीमा पुगेपछि भएको पेनाल्टी सुटमा वडा नम्बर ७ लाई २ गोल विरुद्ध ५ गोल प्रहार गर्दै वडा नम्बर ४ बिजयी बनेको हो ।
दुबै खेल कडा प्रतिष्पर्धाका कारण रोमाञ्चक बनेको थियो । न्यु शान्ति स्पोर्ट्स क्लबको आयोजना तथा बढैयाताल गाउँ पालिका वडा नम्बर १ को समन्वयमा सो प्रतियोगिता संचालन गरिएको छ ।
पुस १६ गतेसम्म चल्ने प्रतियोगितामा १० टोलीले सहभागिता जनाएको क्लबका अध्यक्ष प्रेम पुनले जानकारी दिनुभयो । खेलमा प्रथम हुनेलाई ५० हजार र दोस्रो हुनेलाई २५ हजार नगदसहित सम्मान गरिने आयोजकले जनाएको छ ।
