बाँके । भेरी अस्पताल नेपालगञ्जको प्रयोगशालामा गरिएको परीक्षणबाट आइतबार बाँके, बर्दिया र सुर्खेतका पुष्टि भएका संक्रमतिमध्ये आठ जनाको कुनै यात्रा इतिहास नभएको खुलेको छ ।
संक्रमतिमध्ये खजुरा ६ का ३७ वर्षीय पुरुष भने बैदेशिक रोजगारीबाट फर्किएका हुन । नौ जनामा नेपाली सेनाका दुई, नेपाल प्रहरीका एक, दुई जना सरकारी अफिसर, एक जना कार्यालय सहयोगी, एक जना कैदीबन्दी र एक जना सवारी चालक रहेको खुलेको हो ।
संक्रमित छ जनामा स्वास्थ्य सम्बन्धी कुनै समस्या नरहेको भेटिएको बाँकेका कोरोना फोकल पर्सन नरेश श्रेष्ठले जानकारी दिनुभयो । उहाँका अनुसार बाँकी तीन जनामा स्वास्थ्य समस्या रहेको छ ।
एक जनामा मधुमेह, एक जनामा खोकी लागेको र एक जनामा स्वास्थ्य सम्बन्धी समस्या रहेको फोकल पर्सन श्रेष्ठले बताउनुभयो । उनीहरु सबैलाई आइशोलेशनमा राखिएको छ ।
