नेपालगञ्ज । लायन्स क्लब अफ नेपालगञ्जले नीलसागर सेवाश्रमलाई आवश्यक खाद्यान्न सहयोग प्रदान गरेको छ । क्लबका पदाधिकारीहरुले शनिबार सेवाश्रममै पुगेर आवश्यक खाद्यान्न सहयोग स्वरुप प्रदान गरेका छन् ।
सहयोग सामाग्री सेवाश्रमकी संस्थापक अध्यक्ष सरिता खनाललाई हस्तान्तरण गरिएको थियो । कार्यक्रममा बोल्दै फस्ट भाईस डिष्ट्रिक गर्भनर मुकुट ढकालले लायन्समा आवद्ध सबैको सहभागिता रहेको खण्डमा सेवाश्रमलाई दैनिक आवश्यक पर्ने खाद्यान्न उपलब्ध गराउन सकिने भन्दै सबैलाई सक्रिय हुन आग्रह गर्नुभयो ।
लायन्स सामाजिक कार्यमा अग्रसर रहने संस्था भएकाले पनि संस्थालाई नमूना बनाउँदै आवश्यकता भएका स्थानहरुमा सहयोग गर्न सकिए अझै उत्कृष्ट कार्य हुने गर्भनर ढकालले बताउनुभयो ।
यस्तै लायन्स क्लबका पुर्व अध्यक्ष एवं नीलसागर सेवाश्रमका प्रमुख सल्लाहकार कृष्ण प्रसाद श्रेष्ठले पिडामा रहेकाहरुको सेवामा लामो समयदेखि अनवरत सेवाश्रमलाई दिगो बनाउन सबैले सहयोग गर्न अनुरोध गर्नुभयो ।
सेवाश्रमलाई दिगो तथा सहाराबिहिनहरुको सहारा बनाउन प्रदेश सरकारले बिगतमा चालेको प्रक्रिया अवरुद्ध भएकाले निर्माणाधिन भवन निर्माणमा अवरोध पुगेको जानकारी दिनभुयो ।
लायन्स क्लब अफ नेपालगञ्जका अध्यक्ष पुष्कर बहादुर खड्काको अध्यक्षमा भएको कार्यक्रममा सेवाश्रमकी संस्थापक अध्यक्ष खनालले सहयोगप्रति धन्यवाद अपर्ण गर्दै सहयोगी दातालाई सम्मान प्रदान गर्नुभएको थियो ।
सेवाश्रमलाई जिरा मसिनो चामल १३ बोरा, अरहर दाल २५ केजी, मसुरो दाल २५ केजी, आलु ४० केजी, नून १५ केजी, सनफ्लोर खाने तेल १० लिटर, बेसार १ केजी, चिनी १२ केजी र फ्रुटी १ पेटी रहेको लायन्स क्लबले जनाएको छ । कार्यक्रमलाई लायन्स अफ नेपालगञ्जका सहसचिव तेज बहादुर रावलले संचालन गर्नुभएको थियो ।
