नेपालगञ्ज । बाँके प्रहरीले अबैध तरिकाले नेपालगञ्ज ल्याइएको लत्ता कपडा बरामद गरेको छ । प्रहरीले नेपालगञ्ज वडा नं १ र १६ क्षेत्रबाट उक्त लत्ता कपडा बरामद गरेको हो ।
जिल्ला प्रहरी कार्यालय बाँकेका अनुसार दुई स्थानबा करिब दुई लाख बढीको कपडा बरामद गरिएको छ । बरामद सामानहरुमा लेडिज सुटका कपडाहरु रहेका छन् ।
दुई लाख २१ हजार बराबर रहेको सो सामानहरु आवश्यक कारबाहीका लागि नेपालगञ्ज भन्सार कार्यालयमा बुझाइएको प्रहरीले जनाएको छ ।
