नेपालगञ्ज । बाँकेकाे डुडुवामा शनिबारदेखि शुरू फुटबल प्रतियोगिताकाे दाेस्राे दिन आईतवार भएकाे खेलमा लालीगुराँस युवा क्लब र बिभागिय टिम जिल्ला प्रहरी कार्यालय बाँके बिजयी भएकाे छ ।
डुडुवामा सर्वाधिक पुरस्कार राशी भएकाे प्रतियाेगितामा दाेस्राे दिनकाे पहिलाे खेलमा छग्रहवा सामुदायिक वन समिति लालीगुराँससँग पराजित भएकाे हाे । वर्षाका कारण केही समय खेल अबरुद्ध बनेकाे थियाे ।
पेनाल्टी सुटआउटद्धारा छग्रहवालाई पराजित गर्दै लालिगुराँसले जित दर्ज गरेकाे थियाे । यस्तै दाेस्राे खेलमा प्रतियोगिताकाे एकमात्र बिभागिय टिम प्रहरी ४-२ गाेल अन्तरले बिजयी बनेकाे हाे ।
प्रहरीले भैयापुर एफ सिलाई ४-२ को गोल अन्तरले पराजित गर्दै क्वाटर फाइनलको यात्रा तय गरेको आयाेजक नव दुर्गा युवा क्लब कम्दीका अध्यक्ष निर्मल चन्दले जानकारी दिनुभयाे । क्लबले प्रत्येक वर्ष फुटबल प्रतियोगिता संचालन गर्दै आएकाे छ ।
क्लबले याे वर्ष प्रतियोगितामा पुरस्कार राशीमा बृद्वि गरेकाे छ । प्रतियोगिताको बिजेता टिमले १ लाख ११ हजार १ सय ११ रुपैयासहित मेडल र प्रमाणपत्र प्राप्त गर्नेछ । यस्तै उपबिजेता टिमले ५५ हजार ५ सय ५५ रुपैयासहित मेडल र प्रमाण पत्र प्राप्त गर्नेछ ।
