खजुरा । बाँकेकाे खजुरा गाउँपालिका वडा नम्बर ६ मा रहेकाे सैयद कृषि सहकारी संस्था लिमिटेड उढरापुरकाे तेस्रो वार्षिक साधारणसभा सम्पन्न भएकाे छ ।
शनिबार उढरापुरमा एक औपचारिक कार्यक्रम गरेर संस्थाकाे साधारणसभा गरिएको हाे । कार्यक्रममा प्रमुख अथितिका रूपमा पूर्व वन तथा वातावरण मन्त्री बादसाह कुर्मीले ब्यानर पढेर उद्दघाटन गर्नु भएको थियो ।
कार्यक्रमलाई सम्बाेधन गर्दै पूर्व मन्त्री कुर्मीले संस्थाले छाेटाे समयमा आफुलाई परिचित गराएको बताउनुभयाे । साथै उहाँले युवाहरूले नेतृत्व लिएकाे संस्थाले अझ प्रगित गर्दै जानेमा विश्वास व्यक्त गर्नुभयाे ।
अध्यक्ष सम्सुदुहा खानकाे अध्यक्षता साे कार्यक्रम भएकाे थियाे । संस्थाका सचिव अनवर अलिले प्रगति प्रतिवेदन प्रस्तुत गर्नुभएकाे कार्यक्रमलाई आरिफ खानले कार्यक्रम संंचालन गर्नुभएको थियाे ।
