नेपालगन्ज । नेपाली कांग्रेस बाँकेको निर्वाचनका लागि संस्थापन (शेरबहादुर देउवा) प्यानलको पदाधिकारी उम्मेदवार घोषणा गरिएको छ ।
नेपालगन्जस्थित पार्टी कार्यालयमा बुधबार एक औपचारिक कार्यक्रमका बीच उम्मेदवार घोषणा गरिएको हो ।
कांग्रेसका नेता एवम् क्षेत्र नम्बर १ का पुर्वसभापति माधवराम खत्रीले उम्मेदवारको नाम घोषणा गर्नुभयो । देउवा प्यानलबाट उपसभापतिमा कृष्ण कार्की र सुदिप नरसिंह राणा, सचिवमा रबिन्द्र हमाल र सञ्जुकुमारी चौधरी, सह-सचिवमा पुरनसिंह ठकुरी र बिनोद थारुको नाम घोषणा गरिएको हो ।
घोषणा कार्यक्रमलाई सम्बोधन गर्दै कांग्रेस नेता खत्रीले देउवा प्यानलबाट सभापति पदमा तीन जना उम्मेदवार भएपनि पदाधिकारी र सदस्यको एउटै प्यानल बनाइएको बताउनुभयो ।
घोषणा कार्यक्रमलाई कांग्रेस बाँकेका पुर्वसभापति कृष्णमान श्रेष्ठ, कांग्रेस नेपालगन्ज नगर सभापति प्रशान्त विष्ट लगायतले सम्बोधन गर्नुभएको थियो ।
कांग्रेस बाँकेको निर्वाचन यही फागुन १५ गते हुँदैछ । निर्वाचनका लागि फागुन १२ गते बिहीबार उम्मेदवार मनोनयन दर्ता गरिनेछ ।
