हेमराज शर्मा, दाङ । दाङको तुलसीपुरमा आज दिउँसो जीप दुर्घटना हुँदा १० जना घाइते भएका छन् । घाइतेमध्ये दुई जनाको अवस्था गम्भीर रहेको छ ।
जुँगारबाट तुलसीपुरका लागि छुटेको रा १ ज ५१० नम्बरको जीप राप्ती राजमार्ग अन्तर्गत तुलसीपुर-३ चोर खोला नजिकै दुर्घटनामा परेको थियो ।
इलाका प्रहरी कार्यालय तुलसीपुरका डीएसपी श्यामु अर्यालले घुम्ती बाटोमा जीपको गति तीव्र भएकाले दुर्घटना भएको जानकारी दिनुभयो ।
घाइतेमध्ये पाँच जनालाई थप उपचारका लागि बाँकेको कोहलपुर पठाइएको छ भने पाँच जनाको राप्ती प्रादेशिक अस्पताल तुलसीपुरमा उपचार भइरहेको छ ।
घाइतेहरुको परिचय खुलेको छैन ।
