राप्तीसोनारी । बाँकेको राप्तीसोनारी गाउँपालिका वडा नम्बर १ को वडाअध्यक्षमा नेकपा एमालेका यमबहादुर खड्का निर्वाचित हुनुभएको छ । उहाँसहित एमालेको पुरै प्यानल निर्वाचित भएको हो ।
खड्काले ८ सय ७७ मत प्राप्त गर्नुभयो । उहाँका निकटतम प्रतिद्वन्दी नेपाली कांग्रेसका तेज बहादुर सुवेदीले ६ सय ४१ मत प्राप्त गर्नुभएको छ ।
यसैगरी खुल्ला सदस्यमा एमालेकै चुर्णबहादुर भण्डारी र भरत बुढाथोकी, महिला सदस्यमा एमालेकै यमकुमारी ओली र दलित महिला सदस्यमा निर्मला बिक निर्वाचित हुनुभएको छ ।
यमकुमारी २०७४ को स्थानीय तह निर्वाचनमा पनि एमालेबाटै महिला सदस्यमा निर्वाचित हुनुभएको थियो । अघिल्लो निर्वाचनमा नेपाली कांग्रेसले वडाअध्यक्ष सहित ३ वडासदस्य जितेको थियो ।
राप्ती सोनारी १ नम्बर नेपाली कांग्रेसका क्षेत्रीय सभापति पोषण केसी र निर्वतमान सभापति माधवराम खत्रीको वडा हो ।
