काठमाण्डौं । एमालेले दाङ निर्वाचन क्षेत्र नम्बर ३ बाट कोमल वलीलाई चुनाव लड्न टिकट दिएको छ ।
एमाले नेताहरुका अनुसार वलीले टिकट पाउनुभएको हो । वलीले २०७४ सालकै चुनावमा यो क्षेत्रबाट चुनाव लड्ने तयारी गर्नुभएको थियो ।
पार्टीले टिकट नदिएपछि चुप बस्नुभएकी उहाँलाई एमालेले राष्ट्रिय सभा सदस्य बनाएको थियो ।
यसपाली एमालेले वलीलाई प्रतिनिधि सभामा प्रत्यक्ष तर्फको उम्मेदवार बनाएको हो । यस्तै, दाङ निर्वाचन क्षेत्र नम्बर १ बाट शान्ता चौधरी र निर्वाचन क्षेत्र नम्बर २ बाट शंकर पोखरेलले टिकट पाउनुभएको छ ।