नेपालगञ्ज । रुकुम पश्चिमको मुसिकोट नगरपालिका-८ घोरखानी घर भएका ७४ वर्षीय जितबहादुर बुढाको हत्या भएको छ ।
हत्या आरोपमा प्रहरीले ६ जनालाई पक्राउ गरेको छ । पक्राउ पर्नेमा २० वर्षीय अनिल पुन, २ जना १७ वर्षीय किशोर, २ जना १६ वर्षीय किशोर र १४ वर्षीय किशोर छन् ।
आरोपीहरुलाई शनिवार राति पक्राउ गरिएको जिल्ला प्रहरी कार्यालय पश्चिम रुकुमले जनाएको छ ।
पूर्व रिसिबिको कारण आरोपीहरुले कुटपिट गरेर हत्या गरेको प्रहरीको अनुसन्धानबाट थाहा भएको छ ।
कुटपिटबाट गम्भिर घाइते भएका बुढाको जिल्ला अस्पताल सल्लेमा उपचारको क्रममा मृत्यु भएको थियो ।
