बाँके । बाँकेमा २४ जना कोरोनाका बिरामी सिकिस्त छन् । जिल्ला कोभिड–१९ संकट व्यवस्थापन केन्द्र बाँकेका अनुसार जिल्लाका बिभिन्न कोरोना बिशेष अस्पतालमा रहेका बिरामीमध्ये २४ जना बिरामी सिकिस्त रहेका छन् ।
भेरी अस्पताल नेपालगञ्जमा रहेका ६७ जना बिरामीमध्ये १२ जना र नेपालगञ्ज मेडिकल कलेज कोहलपुरमा रहेका ७४ जनामध्ये १२ जना बिरामी सिकिस्त रहेको बाँकेका फोकल पर्सन नरेश श्रेष्ठले जानकारी दिनुभयो ।
यस्तै भेरीमा ५४ जना मध्यम खालका तथा १ जना सामान्य र कोहलपुरमा ३६ जना मध्यम खालको तथा २६ जना सामान्य खालका बिरामी रहेका छन् । कोभिड–१९ बिशेष दुबै अस्पतालमा हाल ५९ जना महिला र ८२ जना पुरुष गरी १४१ जना बिरामी भर्ना रहेको जनाइएको छ ।
