काठमाण्डौं । राष्ट्रिय एकताको प्रतीक ‘वीर नेपाली सेना’ शीर्ष गीतको बिमोचन गरिएको छ ।
आर्मी अफिसर्स क्लब काठमाडौँमा मंगलबार नेपाली सेनाका प्रधान सेनापति प्रभुराम शर्माले एक समारोहकाबीच विमोचन गर्नुभयो ।
बिमोचन कार्यक्रममा नेपाली सेनाका उच्च तहका अधिकृतहरूका साथै नेपाली गीत संगीत र कलासाहित्यका विशिष्ट स्रष्टाहरूको उपस्थिति रहेको थियो ।
कार्यक्रममा राष्ट्रिय भावना र स्वाधीनताको अभिव्यक्ति रहेको विमोचित गीतको छायाँचित्रसमेत प्रस्तुत गरिएको तथा गीतका स्रष्टाहरूलाई प्रमुख अतिथिले सम्मानपत्र पनि प्रदान गर्नुभएको थियो ।
नेपाली सेनाको इतिहास प्रस्तुत गरिएको यस गीतमा नेपाली सेनाको औचित्य, आवश्यकता र उद्देश्यलाई यस गीतको विषयगत पक्षमा समेटिएको छ ।
