नेपालगन्ज । संविधान दिवस-२०८० को अवसरमा बाँकेको कोहलपुर नगरपालिकास्थित कौशल्या मेमोरियल हस्पिटलमा निःशुल्क दन्त शिविर संचालन गरिएको छ ।
कोहलपुर वडा नं-९ हवलदारपुरस्थित हस्पिटलद्वारा आयोजित निःशुल्क दन्त शिविरमा विभिन्न ठाउँबाट जटिल तथा सामान्य दाँतका २ सय ५० जना बिरामीहरुलाई निःशुल्क जाँच तथा उपचारका साथै निःशुल्क औषधी वितरण गरिएको छ ।
सो अवसरमा हस्पिटलको प्राङ्गणभित्र सञ्चालित अत्याधुनिक डेन्टल युनिटको कोहलपुर नगरपालिकाका प्रमुख पूर्ण आचार्यले उद्घाटन गर्नुभएको थियो ।
शिविरमा डा.बिश्वनाथ चौधरीको संयोजकत्वमा डा.लोकराज खनाल, डा.आष्मा जिसी, डा. मोहम्मद अहमद खान, डा.सीमा वर्मा लगायतले चेकजाँच तथा सेवा प्रदान गर्नुभएको हस्पिटलका प्रबन्ध निर्देशक चन्द्र महतोले जानकारी दिनुभयो ।
