नेपालगञ्ज । बाँकेमा हुण्डी कारोबारमा संलग्न दुई जना पक्राउ परेका छन् । जिल्ला प्रहरी कार्यालय बाँकेका अनुसार कारोबारमा संलग्न दुई जनालाई नेपालगञ्जबाट मंगलबार पक्राउ गरिएको हो ।
नेपालगञ्ज उपमहानरपालिका वडा नं-४ गणेशपुरबाट मोहम्मद कादिर सिद्दिकी र मोहम्मद हबिब सिद्दिकीलाई पक्राउ गरेको छ । उनीहरुको साथबाट १७ लाख पाँच हजार रुपैया समेत बरामद गरेको छ ।
कारोबार भइरहेको सूचनाको आधारमा कादिरको घरमा प्रहरीले छापा मारेर खानतलासी गर्दा बोकेको कालो झोलाबाट नौ लाख नेपाली र हबिबको घरमा तलासी गर्दा सात लाख दस हजार दुई सय पचपन्न नेपाली रुपैया तथा ५९ हजार ५ सय भारतीय रुपैया बरामद भएको बाँकेका प्रहरी प्रमुख तुल बहादुर कार्कीले जानकारी दिनुभयो ।
पक्राउ परेकाहरुको घरबाट बिभिन्न बैंकमा विभिन्न ब्यक्तिको नाममा जम्मा गरिएको बैंक भौचरहरू, बैंकका टोकनहरूसमेत बरामद भएको छ । उनीहरुका बारेमा थप अनुसन्धान एवं कारवाही प्रक्रिया अगाडी बढाईएको बाँके प्रमुख कार्कीले बताउनुभयो ।
