नेपालगञ्ज । बाँकेको नेपालगञ्ज उपमहानगरपालिका वडा नं-२० स्थित राँझाबाट लागूऔषध ब्राउन सुगरसहित दुई जना पक्राउ परेका छन् ।
प्रहरीले नेपालगञ्ज २० स्थित लाल चन्द्र कामीको डेरा कोठाबाट ब्राउनसुगरसहित भारतको रुपैडिहाका राहुल शुक्ला र लाल चन्द्रलाई बुधबार दिउँसो पक्राउ गरेको हो ।
लागुऔषध नियन्त्रण व्यूरो महेन्द्रनगर कञ्चनपुर तथा नेपालगञ्ज र जिल्लाबाट खटिएको संयुक्त प्रहरी टोलीले उनीहरुलाई पक्राउ गरेको थियो ।
शुक्लाको पाईन्टको दायाँ खल्तीबाट दुई पोका (९९ ग्राम) र तौल गर्न प्रयोग गरिने डिजिटल तराजु १ थान बरामद भएको छ ।
उनीहरुबारे थप अनुसन्धान अगाडी बढाईएको जिल्ला प्रहरी कार्यालय बाँकेले जनाएको छ ।
