नेपालगञ्ज । बाँकेको डुडुवा गाउँपालिकामा जारी सर्वाधिक पुरस्कार राशीको फुटबल प्रतियोगिताको फाइनलमा नवदुर्गा युवा क्लब र लालीगुराँस युवा क्लब भिड्ने भएका छन् ।
प्रतियोगिताको सेमिफाईनल खेलमा एकमात्र बिभागिय टिम जिल्ला प्रहरी कार्यालय बाँकेलाई हराउँदै नवदुर्गाले फाईनलको यात्रा तय गरेको हो । आयोजक नवदुर्गाले बिभागिय टिमलाई ४-० गोलअन्तरले पराजित गरेको हो ।
यस्तै लालीगुराँसले सिटी स्पोर्टस क्लबलाई पराजित गर्दै फाईनल प्रवेश गरेको हो । लालीगुराँसले सिटीलाई २-० गोल अन्तरले पराजित गरेको हो । यी दुईबीचको फाईनल भिडन्त २५ गते दिउँसो हुने भएको छ ।
आयोजक नवदुर्गाका अध्यक्ष निर्मल चन्दले यो पटक प्रतियोगिताको राशी बृद्धि गर्दै युवाहरुलाई खेलतर्फ प्रोत्साहन गर्नुका साथै सामाजिक कार्यमा अग्रसर हुने शन्देश दिने रहेको बताउनुभयो ।
डुडुवा गाउँपालिकाको मुख्य सहयोग रहेको प्रतियोगिता नवदुर्गाले बिगत १५ वर्षदेखि आयोजना गर्दै आएको छ ।
