नेपालगन्ज । बाँकेको राप्ती सोनारी गाउँपालिका वडा नम्बर ७ स्थित सामुदायिक वनमा डढेलो लागेको छ । सो वनमा आइतबार राती डढेलो लागेको इलाका प्रहरी कार्यालय भगवानपुरले जनाएको छ ।
डढेलो लागेपछि नियन्त्रणका लागि राती नै प्रहरी तथा सशस्त्र प्रहरी खटेको थियो । आगलागी नियन्त्रणका लागि प्रहरीले गरेको यो कार्य प्रशंसनीय रहेको स्थानीयले बताए ।
आइतबार राती करिब पौने ११ बजेको समयमा राप्ती सोनारी गाउँपालिका वडा नम्बर ७ को लालपुरमा रहेको माता सामुदायिक वनमा डढेलो लागेको लागेपछि नेपाल प्रहरी र सशस्त्र प्रहरी बल नियन्त्रणमा लिन प्रयास गर्दै गरेको तस्बिर सार्वजनिक भएको छ ।
प्रहरीका अनुसार डढेलो नियन्त्रणमा आएको छ । 
