नेपालगञ्ज । कोरोना रोकथाम र नियन्त्रणका लागि नेपालगञ्जमा वडा कार्यालयहरुको सक्रियता बढेको छ । नेपालगञ्ज उपमहानगरपालिकासँगै वडा कार्यालयले समेत रचनात्मक कार्यक्रम गरिरहेको नेपालगञ्जकी उपमेयर उमा थापा मगरले जानकारी दिनुभयो ।
उपमेयर मगरका अनुसार वडा नम्बर १ र १८ ले चिकित्सकसहित कोभिड संक्रमित विरामीहरुलाई घरदैलोमा पुगेर स्वास्थ्य उपचार तथा परामर्श सेवा दिएका छन् । वडा नम्बर १३ र १४ मा समेत चिकित्सकसहित कोभिड संक्रमितलाई घरदैलोमै पुगेर सेवा दिइएको छ ।
वडा नम्बर ३ र ७ लाई सेनिटाईज गरिएको छ । वडा नम्बर २ ले स्वास्थ्यकर्मी माग गरेको छ । केहीदिनमै स्वास्थ्यकर्मीसहित घरदैलो कार्यक्रम गरिने जनाएको छ ।
