कैलाली । कैलालीमा लागुऔषध खैरो हिरोइनसहित शनिबार दुई जना युवा पक्राउ परेका छन् ।
कैलालीको टीकापुर नगरपालिका वडा नम्बर–१ को व्यवसाय क्षेत्रका २८ वर्षीय छत्रबहादुर साउद र सोही नगरपालिका–६, नारायणपुरका ३६ वर्षीय मुकेश रावल पक्राउ परेका हुन ।
पक्राउ परेका उनीहरुको साथबाट तीन ग्राम ७०० मिलिग्राम खैरो हेरोइन जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक विष्टले जानकारी दिनुभयो ।
साउदको घरमा लागुऔषधको कारोबार भइरहेको सूचनाका आधारमा उनीहरुलाई पक्राउ गरिएको हो । उनीहरुमाथि थप अनुसन्धान भइरहेको प्रहरीले जनाएको छ ।
