नेपालगञ्ज । बाँकेको जमुनाहा नाकाबाट प्रहरीले कोरेक्ससहित एक जनालाई पक्राउ गरेको छ ।
प्रहरीले बिहीबार वीरेन्द्रनगर नगरपालिका ३ तातोपानीका बबिन शाहीलाई कोरेक्ससहित पक्राउ जनाएको हो ।
उनको साथबाट रियल जुसमा ल्याउन लागिएको दुई लिटर कोरेक्स र १५ ट्याब्लेट नाइट्रोभेट बरामद भएको जिल्ला प्रहरी कार्यालय बाँकेले जनाएको छ ।
शंकास्पद गतिविधि देखिएपछि उनलाई प्रहरीले चेकजाँच गरेको थियो ।
