नेपालगञ्ज । नेपालगञ्जस्थित मंगल प्रसाद माध्यमिक बिद्यालयका बिद्यार्थीहरुले शुक्रबार नीलसागर बृद्धाश्रमलाई सहयोग गरेका छन् । बिद्यालयमा रहेका सासाना बालबालिकाहरुले आफैले अरुलाई सहयोग गर्नुपर्छ भन्ने सोंचका साथ बृद्धाश्रममा गएर सहयोग गरेका हुन ।
बिद्यार्थीहरुले आफ्नो खाजा रकमबाट नीलसागरमा कपि कलम, बिस्कुट र फलफुल बितरण गरेर अन्य बिद्यार्थीहरुमा समेत सहयोगी हुनुपर्ने भावना जागृत गरेको शिक्षक इन्दर सिंह डाँगीले जानकारी दिनुभयो ।
‘बिद्यार्थीहरु आफैले हामी सहयोग गर्न चाहन्छौं भन्ने योजना ल्याएपछि हुन्छ धेरै राम्रो काम हो, मैले भने’ शिक्षक डाँगीले भन्नुभयो, ‘त्यसपछि सबै जना मिले, सहयोग गर्ने सामाग्री पनि किने र शुक्रबार बृद्धाश्रममै गएर बितरण पनि गर्यौं ।’
‘बिद्यार्थीहरुमा यस्तो खालको सहयोगी भावना जागृत हुनु आफैमा उत्कृष्ठ कार्य हो,’ शिक्षक डाँगीले भन्नुभयो, ‘उनीहरुको यो कार्यले अरुलाई पनि प्रेरित गर्छ । उहाँका अनुसार दैनिक जसो पाउने खाजा रकमबाट बचाएको पैसाले नै उनीहरुले सहयोग सामाग्री खरिद पनि गरेका हुन । नीलसागरमा पुगेर बिद्यार्थीहरुले सामाग्री सहयोग गर्नुका साथै सरसफाई पनि गरेका छन् ।
सहयोग गर्न पुगेर बिद्यार्थीहरुलाई बृद्धाश्रममा रहेका आमा बुबाले अर्शिवाद प्रदान गरेका थिए ।
