काठमाण्डौं । नेपाली कांग्रेसले कार्यकाल सकिएका सबै भातृ संगठनको समय नथप्ने निर्णय गरेको छ ।
मंगलबार बसेको कार्य सम्पादन समितिको बैठकले कार्यकाल सकिएका नेपाल तरूण दल, नेविसंघ लगायतका १० भातृ संस्थाको कार्यकाल नथप्ने निर्णय गरेको हो ।
फागुन मसान्तभित्र भातृ संस्थाहरूको तदर्थ समिति गठन हुने कांग्रेस सहमहामन्त्री जीवन परियारले बताउनुभयो ।
नेपाल मगर संघ र नेपाल मुस्लिम संघबाहेक अन्य भातृ संस्थाको कार्यकाल सकिएको छ । नेपाल दलित संघको चैत्र ७, ८ र ९ गते अधिवशेन हुँदैछ ।
