नेपालगञ्ज । बाँकेमा मान्छेलाई आक्रमण गर्ने बाघलाई नियन्त्रणमा लिइएको छ ।
वन डिभिजन कार्यालय, बाँकेका प्रमुख दधीराम कँडेलका अनुसार राप्तीसोनारी गाउपालिका वडा नं ६, राप्तीपीडित सामुदायिक वनबाट बाघलाई डट गनको माध्यमबाट बेहोस बनाएर नियन्त्रणमा लिइएको हो ।
राप्तीपीडित सामुदायिक वनमा पछिल्लो पटक बाघले धनबहादुर चलाउनेलाई आक्रमण गरेपछि वनको टोलीले बाघ नियन्त्रणमा लिने प्रयास गरेको थियो ।
पछिल्लो केही महिनादेखि राप्तीसोनारी गाउँपालिका वडा नं ४ र ६ मा सो बाघले ५ जनालाई मारेर खाएको तथा केहीलाई घाइते बनाएको र धेरैले भागेर ज्यान जोगाएका थिए ।
