नेपालगञ्ज । बाँकेको नेपालगञ्ज उपमहानगरपालिका बाल विवाहमुक्त पालिका घोषणा हुँदैछ । केही समयअघि केही वडा मात्र बाल विवाह मुक्त घोषणा भइसकेको उपमहानगरपालिकालाई सोमबार औपचारिक रुपमा बाल विवाह मुक्त पालिका घोषणा गर्न लागिएको हो ।
पालिकालाई नै सोमबार बाल विवाहमुक्त घोषणा गर्न लागिएको उपमहानगरपालिकाकी प्रमुख महिला बिकास अधिकृत शोभा शाहले जानकारी दिनुभयो । सोमबार एकैपटक वडा नं ५, ७, ८, १३, १४, १५, १६, १७, १९, २२ र २३ लाई बाल विवाहमुक्त घोषणा गर्दै पालिकालाई समेत घोषणा गर्न लागिएको जनाइएको छ ।
नेपालगञ्ज बाँकेको चौथौ पालिकाका रुपमा बाल विवाह मुक्त घोषणा हुन लागेको हो । यसअघि बाँकेको जानकी गाउँपालिका, बैजनाथ गाउँपालिका र खजुरा गाउँपालिका बाल विवाह मुक्त घोषणा भएका छन् । ८ वटा पालिका रहेको बाँकेमा अब चार वटा पालिका घोषणा हुन बाँकी छन् ।
