नेपालगञ्ज । सोमबार नरैनापुर गाउँपालिका वडा नं ४ को घोरदौरियास्थित कृष्णनगरमा आगलागी भएको छ ।
आगलागीबाट ठुलो मात्रामा धन सम्पत्ति नष्ट भएको छ भने कतिपयलाई घरवार बिहिन नै बनाएको छ । एक वर्ष अघि पनि नरैनापुरको खोदांवा गाउँमा भिषण आगलागी हुँदा पुरै गाउँ जलेको थियो ।
त्यो बेला पनि नरैनापुरको खोदांवाबासी दुखित बनाएको थियो भने ठ्याक्कै एक वर्ष एक दिनपछि पुन नरैनापुरको कृष्णनगरमा आगलागी भएको छ । आगलागीबाट १२ घर गोठ र ४ वटा बाख्रा जलेको जनाइएको छ ।
आगलागीबाट घरमा रहेका लत्ता कपडा, धन सम्पत्ति, जिन्सी सामाग्री, शैक्षिक सामाग्री, नागरिकता, लालपुर्जा र खाद्यन्नहरु जलेर नष्ट भएका छन् ।
स्थानीय रामकुमार दिक्षितले अग्निपिडितको राहतका लागि सहयोगको अपिल गर्नुभएको छ । नरैनापुर गाउँपालिकाले सोमबार केही सहयोग प्रदान गरेको छ ।
