नेपालगञ्ज । बाँकेको खजुरा गाउँपालिकामा गठबन्धनका उम्मेदवार नेकपा (माओवादी केन्द्र) का डम्बर बिक अध्यक्षमा निर्वाचित हुनुभएको छ । उहाँ १ हजार ६ सय ५३ मतको अन्तरले निर्वाचित हुनुभएको हो ।
बिकले १० हजार ७ सय ९० मत प्राप्त गर्नुभयो । उहाँका निकटतम प्रतिद्धन्द्धी नेकपा एमालेका सुमन मल्लले ९ हजार १ सय ३७ मत प्राप्त गर्नुभयो ।
यसैगरी गठबन्धनकै तर्फबाट नेपाली कांग्रेसकी मञ्जु मल्ल उपाध्यक्ष पदमा निर्वाचित हुनुभएको छ । उहाँ १ हजार ९ सय ४३ मतको अन्तरले निर्वाचित हुनुभएको हो ।
मञ्जुले १० हजार ३४ मत प्राप्त गर्नुभएको छ भने उहाँकी निकटतम प्रतिद्धन्द्धी नेकपा एमालेकी ताजरुन निशाले ८ हजार ९१ मत प्राप्त गरेको खजुरा गाउँपालिकाका निर्वाचन अधिकृत लोकबहादुर सुनारले जानकारी दिनुभयो ।
यसअघि २०७४ सालको स्थानीय निर्वाचनमा खजुरा गाउँपालिकामा नेकपा एमालेले जितेको थियो ।
