नेपालगञ्ज । बाँकेको डुडुवा गाउँपालिका वडा नं. ६ का नवनिर्वाचित वडाध्यक्ष मोहनराम मिश्रले बुधवार पदभार ग्रहण गर्नुभएकाे छ ।
धार्मिक विधि अनुसार वडा कार्यालयमा पुजाआजा गरी पदभार ग्रहण गर्नुभएकाे हाे ।
सयौं जनाको उपस्थितीमा गरिएको पदभार ग्रहण कार्यक्रममा डुडुवा गाउँपालिका वडा नं. ३ का वडाध्यक्ष, बुद्धिजीवी, विभिन्न दलका स्थानीय प्रतिनिधीलगायतको उपस्थिती रहेको थियो ।
पदभार ग्रहणपछि वडाध्यक्ष मिश्रले सबैलाई धन्यवाद दिँदै निवर्तमान जनप्रतिनिधीलाई विदाई गर्नुभएकाे थियाे ।
दोश्रो कार्यकालका लागि निर्वाचित भएका मिश्रले निबर्तमान सदस्य नेतराम मुराउ, तिरथराम वर्मा, अकलिमुन निसा शेष र निर्मला देवी कोरीलाई खादा ओढाएर प्रमाण पत्रसहित विदाई गर्नुभएकाे हाे ।
नेकपा एमालेका तर्फबाट उम्मेदवार भएका मिश्रले गत बैशाख ३० गते भएको स्थानीय निर्वाचनमा आफ्ना निकटतम प्रतिद्वन्द्वी नेपाली काँग्रेसका उम्मेदवार मनोरथलाल कुर्मीलाई १ सय ५५ मतले पराजित गरी विजयी हुनुभएको थियाे ।
