नेपालगञ्ज । नेपाल स्वास्थ्यकर्मी संघले आफ्नो ३१ औं स्थापना दिवसको अवसरमा जमुनाहा नाकामा मास्क बितरण गरेको छ ।
दिवसको अवसर पारेर मंगलबार नेपाल भारत सीमा नाका जमुनाहा भएर नेपाल फर्किने नेपालीहरुलाई कोभिड सचेतीकरणसंगै मास्क बितरण गरिएको हो ।
मास्क बितरण कार्यक्रममा नेपालगञ्जका नगर प्रमुख प्रशान्त विष्ट समेत सहभागि हुनुभएको थियो ।
सो क्रममा उहाँले कोरोना भाइरस संक्रमणको जोखिम कायमै रहेकाले मास्कको प्रयोग जरुरी रहेको बताउनुभएको छ ।
नेपाल स्वास्थ्यकर्मी संघ जिल्ला कार्यसमिति बाँकेका अध्यक्ष टेकबहादुर केसीको अध्यक्षतामा भएको कार्यक्रममा दुई हजार मास्क र सेनीटाइजर वितरण गरिएको संघका सहसचिव तेज वलीले जानकारी दिनुभयो ।
