नेपालगन्ज । बाँके प्रहरीले ठूलो परिमाणमा लागू औषध (गाजा) बरामद गरेको छ ।
विशेष सुराकीकाे आधारमा ईलाका प्रहरी कार्यालय भगवानपुरकाे टाेलीले १८५ किलाे गाँजा बरामद गरेकाे हाे ।
प्रहरी निरीक्षक विर बहादुर सुनार नेतृत्वको टाेलीले नरैनापुर गाउपालिका वडा नं. ६ काे चौबिस बिगाह र दोन्द्रा गरी दुई स्थानबाट उक्त परिमाणकाे गाँजा बरामद गरेकाे हाे ।
प्रहरीका अनुसार अनिता मौर्या, चिम्मन अहिर र मङ्ते भन्ने रामदास मौर्याको घरमा खान तलासी गर्दा घर र गहुँको भुसभित्र लुकाई राखेको अवस्थामा १८ बोरा गाँजा फेला पारेकाे थियाे ।
प्रहरीले गाँजासहित दुई जना व्यक्तिलाई समेत पक्राउ गरेकाे जनाएको छ । पक्राउ पर्नेमा नरैनापुर गाउँपालिका वडा न. ६ दोन्द्रा बस्ने ५० वर्षीया अनिता मौर्या र सोही ठाउँ बस्ने ३१ वर्षीय पारस मौर्या रहेका छन ।
