नेपालगञ्ज । बाँके प्रहरीले दुई सय किलो अबैध बोइलर कुखुरा बरामद गरेको छ । वडा प्रहरी कार्यालय नेपालगञ्जबाट खटिएको गस्ती टोलीले बिहीबार बिहान दुई सय किलो अबैध बोइलर कुखुरा बरामद गरेको हो ।
प्रहरी टोलीले उक्त अबैध बोइलर कुखुरा नेपालगञ्ज वडा नं १४ को बालेगाउँबाट बरामद गरेको जनाएको छ । बुधबार बिहान सात बजेको समयमा नेपालगञ्ज वडा नं १४ बालेगाउँ नजिकै भन्सार तथा क्वारेन्टाईन छली चोरी पैठारी गरेर ल्याउँदै गरिएको ८० गोटा कुखुरा अन्दाजी करिब दुई सय किलो फेला परेको हो ।
करिब ६० हजार मुल्य बराबर रहेको बोइलर कुखुरा आबश्यक कारबाहीका लागि पशु क्वारेण्टाईन कार्यालय नेपालगञ्जमा पठाइएको वडा प्रहरी कार्यालयका प्रमुख रिपेन्द्र सिंहले जानकारी दिनुभयो ।
