नेपालगञ्ज । बाँके प्रहरीले लेनदेन मुद्दाका दोषी फरार एक जनालाई पक्राउ गरेको छ ।
प्रहरीले लेनदेन मुद्दामा फरार नेपालगञ्ज उपमहानगरपालिका वडा नं ६ का ३७ वर्षीय धिरेन्द्र चौधरीलाई पक्राउ गरेको हो ।
चौधरीलाई बाँके जिल्ला अदालतको मिति २०७९ असार १० गतेको फैसलाले दोषी ठहर गरेको थियो । अदालतले लेनदेन मुद्दामा चौधरीलाई दुई बर्ष कैद र पाँच लाख जरिवाना लोकेको थियो ।
सजायपछि हालसम्म फरार चौधरीलाई जिल्ला प्रहरी कार्यालय बाँकेको टोलीले असार १७ गते पक्राउ गरेको जनाएको छ ।
