नेपालगञ्ज । बाँकेको कोहलपुरको बसपार्क अगाडी दुर्घटना हुँदा एक जना पैदल यात्री बालिकाको ज्यान गएको छ ।
शनिबार दिउँसो करिब १२ बजेको समयमा कोहलुर वडा नं ११ बसपार्क नजिकै कोहलपुर चोकतर्फ आउँदै गरेको प्र.१-०२-००१ ख ९२२९ नम्बरको ट्रकले ठक्कर दिँदा बर्दियाको ठाकुरबाबा १ भुरीगाँउकी अन्दाजी १२ वर्षीया खिमा बोहाराको मृत्यु भएको हो ।
बोहराको नेपालगञ्ज मेडिकल कलेज कोहलपुरमा उपचारको क्रममा ज्यान गएको छ । ठक्करबाट उनको टाउकोमा गम्भिर चोट लागेको थियो ।
दुर्घटना लगत्तै ट्रक चालक सिराहाको मिर्चैया नगरपालिका वडा न-७ का ३१ वर्षीय खिम प्रसाद खतिवडालाई नियन्त्रणमा लिइएको बाँके प्रहरीले जनाएको छ ।
