
नेपालगन्ज । बाँके प्रहरीले नेपालगन्ज उपमहानगरपालिका वडा न-१४ भाटनपुर्वाबाट लाखौंको अबैध सामान बरामद गरेकाे छ ।
ईलाका प्रहरी कार्यालय हिरमिनियाबाट खटेकाे गस्ती टाेलीले बुधबार भाटनपुर्वाबाट लाखौंको अबैध कपडा बरामद गरेकाे हाे ।
जिल्ला प्रहरी कार्यालय बाँकेका अनुसार नेपालगन्ज १४ स्थित भाटनपुर्वाबाट दुई लाख सत्र हजार एक सय बराबरको बेवारिसे अवस्थामा लत्ताकपडा बरामद गरेकाे जनाएको छ ।
बरामद गरिएको सामानहरूमा १९६ पीस
लेडिज कुर्ता सुरुवाल, १९ पीस काेर्ट पाईन्ट कपडा र २१ पीस लेडिज सल रहेेकाे र बुधबार नै नेपालगन्ज भन्सार कार्यालयमा बुझाएकाे प्रहरीले बताएको छ ।





