कोहलपुर । इलाका प्रहरी कार्यालय कोहलपुरले लागु औषध ब्राउन सुगर सहित एक जनालाई पक्राऊ गरेको छ ।
नेपालगंज उपमहानगरपालिका वडा नं २० मनिकापुर स्थित राँझादेखि कण्ठिपुर जाने सडक बाटोमा ६ ग्राम ब्राउन सुगर सहित एक जनालाई पक्राउ गरिएको इलाका प्रहरी कार्यालयका प्रमुख डिएसपी ऐन बहादुर मल्लले जानकारी दिनुभयो ।
पक्राऊ पर्नेमा नेपालगंज उपमहानगरपालिका वडा नं-२२ पुरैनी बस्ने बर्ष ३२ को भगवन्त लोनिया रहेका छन ।
डिएसपी मल्लका अनुसार, बिहीबार कण्ठीपुरबाट रांझा चोकतर्फ आउदै गरेको भे १२ प ३०१९ नम्वरको मोटर साईकल रोकी चेक जाँच गर्दा मोटरसाइकल चालक लोनियाले लगाएको हाफ पाईन्टको खल्तिमा उक्त लागू औषध लुकाई राखेको अवस्थामा फेला परेको थियो ।
उनको साथबाट वारदातमा प्रयोग गरेको भे १२ ३०१९ नम्बरको मोटर साईकल १ थान, साथमा रहेको भिभो कम्पनिको मोवाईल सेट १ थान, इन्टेल कम्पनिको सादा मोवाईल सेट १ थान बरामद गरिएको छ । लोनियालाई नियन्त्रणमा लिई थप अनुसन्धान भईरहेको डिएसपी मल्लले बताउनुभयो ।
