नेपालगञ्ज । बाँकेको कोहलपुर नगरपालिकाको नयाँ अत्याधुनिक भवन बन्ने भएको छ ।
नयाँ निर्माण हुने भवनको शुक्रबार शिलान्यास गरिएको छ ।कोहलपुरका नगर प्रमुख पूर्णप्रसाद आचार्य र उपप्रमुख संगिता सुवेदीले शिलान्यास गर्नुभएको हो ।
भवन निर्माणका लागि ठेक्का ज्वाइन्ट भेन्चरमा काम गरिरहेका एसोसियट, जय भवानी र रन्जितकार जेभीले पाएको छ । २०८१ साल पौषसम्म निर्माण सम्पन्न गर्ने गरी १५ करोड ३८ लाखको लागतमा नयाँ अत्याधुनिक भवन बन्नेछ ।
स्थानीय सरकारको ९ करोड र स्थानीय पूर्बाधार विकास विभागको ६ करोड अनुदान लागत साझेदारीमा साढे ५ तले अत्याधुनिक प्रशासकीय भवन निर्माण हुने नगर प्रमुख आचार्यले बताउनुभयो ।
