नेपालगञ्ज । हिन्दू नारीहरुको महान पर्व हरितालिका तिजको अवसरमा अवधी पत्रकार संघ नेपालले तिज मिलन कार्यक्रम नेपालगञ्जमा गरेको छ ।
संघमा आवद्ध महिला पत्रकार लगायत पदाधिकारीहरुको उपस्थितिमा भएको कार्यक्रममा अवधी भाषाको लोक संस्कृति तथा मिथिलाको लोक संस्कृतिको चर्चा गरिएको थियो ।
सो क्रममा अवधी भाषाका गीतहरु समेत प्रस्तुत गरिएको थियो । कार्यक्रममा बोल्दै संघका अध्यक्ष राकेश मिश्रले यस्ता कार्यक्रमले अवधी क्षेत्रमा भएका संस्कृतिको उजागर हुने बताउनुभयो ।
उहाँले जमघट तथा भेलाले एक अर्काबीच सामिप्यता तथा अवधी क्षेत्रमा भएका र हुनसक्ने कार्यबारे स्पष्ट बुझाई हुने वातावरण निर्माण हुने बताउनुभयो । कार्यक्रमलाई संघकी कोषाध्यक्ष सन्ध्या शर्माले संचालन गर्नुभएको थियो ।
