नेपालगञ्ज । नेपालगञ्जबाट नारायणघाट छुटेको यात्रुबाहक बस ठुलो दुर्घटना हुनबाट जोगिएको छ । बुधबार बिहान नेपालगञ्जदेखि नारायणघाटका लागि छुटेको ना ६ ख ९६७६ नम्बरको बस ठुलो दुर्घटना हुनबाट जोखिएको हो ।
राप्तीसोनारी गाउँपालिका वडा नं १ कुसुमको सौरी नजिक लालमटिया डाँडामा पट्टामा समस्या देखिएपछि बुधबार बिहान दुर्घटनामा परेको प्रहरी चौकी कुसुमका प्रमुख पुस्करराज जोशीले जानकारी दिनुभयो ।
उहाँका अनुसार नारायणघाट जाँदै गरेको बस बिहान पौने ९ बजे दुर्घटनामा परेको हो । बसको पट्टामा समस्या भएपछि बसको टायर नालामा पुगेर दुर्घटना भएको छ ।
दुर्घटनामा सवार सबै यात्रु सकुशल रहेका छन् । ‘ठुलो क्षति हुनबाट जोगिएको छ,’ प्रहरी चौकी प्रमुख जोशीले भन्नुभयो, ‘बसमा सवार सबै सकुशल छन् । प्रहरीका अनुसार बसमा ३५ जना यात्रु सवार थिए ।’
