नेपालञ्ज । घरमा कोही नभएको मौका छोपेर नेपालगञ्ज वडा न ६ को एक घरमा चोरी भएको छ । नेपालगञ्ज वडा नं ६ को पुरैना रोडस्थित पवनराज भट्टको घरमा मंगलबार राती चोरी भएको हो ।
घरबाट गरगहना तथा नगद चोरी भएको प्रारम्भिक अनुमान गरिएको छ । वडा नं ६ का वडा अध्यक्ष समिरप्रताप सिंहका अनुसार घरको ढोका फोडेर चोरी भएको देखिएको छ ।
घरबाट के कति मात्रामा चोरी भएको यकिन घरबेटी नेपालगञ्ज आएपछि थाहा हुने वडा अध्यक्ष सिंहले जानकारी दिनुभयो ।
प्रहरीले घटनास्थलको अवलोकन गरेर अनुसन्धान शुरु समेत गरेको वडा अध्यक्ष सिंहले बताउनुभयो । घरमुली भट्ट केही दिनदेखि काठमाण्डौ रहेको खुलेको छ ।
