मानपुर । बाँकेको जानकी गाउँपालिका वडा नं-५ का गरिब, बिपन्न, बिद्यवा तथा एकल महिलाहरुलाई जाडो छल्न न्यानो कम्बल बितरण गरिएको छ ।
वडाका करिब दुई सय जना गरीब, विपन्न, विधवा तथा एकल महिलाहरुलाई जाडो छल्नका लागि आइतबार न्यानो कम्मबल वितरण गरिएको हो ।
उनीहरुलाई गाउँपालिका अध्यक्ष छब्बन खाँ, वडा नं-५ का वडा अध्यक्ष एव गाउँपालिकाका प्रवक्ता टिकानाथ यादव लगायतले बितरण गर्नुभएको थियो ।
सो कार्यक्रममा जिल्ला समन्वय समितिका सदस्य तथा कार्यवाहक अध्यक्ष जुल्फेकार मनिहार लगायत वडा सदस्यहरुको उपस्थिति रहेको थियो । साथै वडाले छुटेका महिलाहरुलाई वडा कार्यालयमा सम्पर्क गर्नहुन अनुरोध गरेको छ ।
पछिल्लो एक सातादेखि बाँकेमा चिसो लगातार बढिरहेको छ । चिसोका कारण जिल्लाका सबै क्षेत्रको जनजीवन प्रभावित भएको छ । चिसो बढेकै कारण पालिकाहरुले चिसो छल्नका लागि दाउरा बितरण समेत गरिरहेको छ ।
