बाँके । वडा प्रहरी कार्यालय नेपालगञ्जका प्रमुख एव प्रहरी निरिक्षक डिल्ली बहादुर खडकाले अपराध नियन्त्रणमा समुदाय र प्रहरीको सहयोग हुनुपर्ने बताउनुभएको छ ।
केन्द्रीय अनुसन्धान व्यूरो महाराजगञ्जबाट सरुवा भई वडा प्रहरी कार्यालय नेपालगञ्ज आउनुभएका प्रहरी निरिक्षक खड्काले शुक्रबार पत्रकारसंग भेटघाट गर्दै सर्वसाधारणको सहयोगबाटै अपराध नियन्त्रण गर्न सकिने बताउनुभएको हो ।
लागु औषध, चोरी, हिंसालाई नियन्त्रण गरी अमन चयन कायम गर्न प्रहरी हरदम तत्पर रहने प्रहरी निरिक्षक खड्काले बताउनुभयो । मेचीदेखि महाकालीसम्मको यात्राका क्रममा उहाँले पश्चिम नेपालगञ्ज लागु औषधको हब पाएको बतउनुभयो ।
छुट्टै आफ्नो केही योजना नभएर जिल्ला प्रहरी कार्यालयको योजना नै आफुहरुको भएको हुँदा नेपालगञ्ज र समग्रमा जिल्लाको शान्ति सुरक्षाका लागि प्रहरी २४ सै घण्टा खटिने प्रहरी निरिक्षक खड्काले दावी गर्नुभयो ।
उहाँले रिक्सा चालकदेखि लिएर अन्य व्यक्तिहरुलाई समस्या परेको खण्डमा आफुलाई फोन गर्नुस, प्रहरी निरिक्षक खड्काले भन्नुभयो, सम्पर्क नम्बर ९८५८०९०३९९ मा हर समय सम्पर्क हुन्छ, समस्या परे तुरुन्त फोन गर्नुस ।
