नेपालगञ्ज । नेपालगञ्ज उपमहानगरपालिका वडा नं ७ मा मानसिक रोग र लागू अैषध लक्षित एक दिने निःशुल्क स्वास्थ्य परीक्षण कार्यक्रम गरिएको छ । नेपालगञ्ज उपमहानगरपालिका वडा नम्बर ७ स्थित आधारभूत स्वास्थ्य सेवा केन्द्रमा भएको शिबिरमा ७० जनाले सेवा लिएका हुन ।
शिबिरमा भेरी अस्पतालका कन्सल्टेन्ट फिजिशियन डा.सुभाष जिसी, नेपालगञ्ज मेडिकल कलेजका कन्सल्टेन्ट न्युरोफिजियाट्रिष्ट (नशा तथा मनोरोग विशेषज्ञ) डा.मोहम्मद ऐनुद्दीन बागवानले स्वास्थ्य परीक्षण गर्नुभएको थियो ।
लागू औषध विरुद्ध निःशुल्क परामर्श केन्द्र, नेपालगञ्जको आयोजना र नेपालगञ्ज उपमहानगरपालिका वडा नम्बर ७ को आर्थिक सहयोग तथा जिल्ला प्रहरी कार्यालय बाँके, सामुदायिक प्रहरी सेवा केन्द्र बाँके, एन.भी.युथ ग्रुप नेपालगञ्ज, मानवता नेपाल बाँकेको समन्वयमा सो स्वास्थ्य शिबिर संचालन गरिएको थियो । सेवा लिएका बिरामीलाई चाहिने एक सातासम्मको औषधी यशोदा फार्मेसी नेपालगञ्जले निःशुल्क रुपमा उपलब्ध गराएको छ ।
लागू औषध विरुद्ध निःशुल्क प्ररामर्श केन्द्र बाँकेका अध्यक्ष दिपेन्द्र जोशीको सभापतित्व तथा नेपालगञ्ज उपमहानगरपालिका वडा नम्बर ७ का वडा अध्यक्ष प्रशान्त श्रेष्ठको प्रमुख आतिथ्यतामा भएको कार्यक्रममा एनभि युथ ग्रुपका अध्यक्ष प्रकाश नेपाली लगायत पदाधिकारीहरुको उपस्थिति रहेको थियो । साथै वडामा नवगठित ग्रुपले सामाजिक कार्यमा योगदान पुरयाएको भन्दै प्ररामर्श सेवा केन्द्रले समूहलाई प्रशंसा पत्र समेत प्रदान गरेको छ ।
