नेपालगञ्ज । नेपालगञ्ज कारागारमा एक युवक जेल परेको १५ दिनमै कारागार भित्रै मृत फेला परेका छन् ।
जानकी गाउँपालिका वडा नं-६ का २३ वर्षीय निरज कुमार बानियाँ बिहीबार बिहान पाँच बजे कारागारको बाथरुममा झुण्डिएको अवस्थामा मृत फेला परेका हुन ।
बानियाँ असार ५ गते मात्रै पक्राउ परेको जिल्ला प्रहरी प्रवक्ता डिएसपी नारायण डाँगीले जानकारी दिनुभयो ।
२०७९ चैत्र २२ गते बाँके जिल्ला अदालतले डाँका चोरी मुद्दामा बानियालाई तीन वर्ष कैद र ३० हजार जरिवाना हुने फैसला सुनाएको थियो ।
त्यसयता फरार रहेका बानियाँ १५ दिन अगाडि मात्रै पक्राउ परेका हुन् । अहिले पोष्टमर्टमका लागि बानियाको शव नेपालगंजस्थित भेरी अस्पतालमा राखिएको छ ।
