नेपालगन्ज । बालबालिकामा आँखा पाक्ने रोग ‘कन्जक्टिभाइटिस एनिडो भाइरस’को सङ्क्रमण फैलिएपछि जानकी गाउँपालिका विद्यालय बन्द गरिएको छ ।
जानकीका शिक्षा प्रमुख कृष्णा कुमारी भण्डारीले अधिकांश बालबालिकामा आँखा पाक्ने सङ्क्रमण देखिएकोले त्यसलाई थप फैलिनबाट रोक्न निजी र सामुदायिक सबै विद्यालय दुई दिन बन्द गर्ने निर्णय गरिएको बताउनुभयाे ।
आँखा पाक्ने सङ्क्रमण वृद्धि हुँदै गएकोले विद्यालयबाट नै अन्य बालबालिकामा पनि सर्ने सम्भावना रहेकोले साउन २५ देखि २६ गतेसम्म विद्यालय बन्द गर्ने निर्णय गरिएको उहाँले बताउनुभयाे ।
यससंगै बाँकेकाे नेपालगन्ज उपमहानगरपालिका, खजुरा गाउँपालिकाले समेत बिद्यालय बन्द गरेका छन् ।
