नेपालगञ्ज । बाँकेकाे एक सामुदायिक वनबाट बेवारिसे अवस्थामा रहेको भरुवा बन्दुक फेला परेकाे छ ।
बाँकेको राप्तीसोनारी गाउँपालिका वडा नं-५ स्थित कन्या राजा सामुदायिक वन उपभोक्ता समूहको जङ्गलबाट सोमबार साँझ एकनाले भरुवा बन्दुक बेवारिसे अवस्थामा भेटिएको जिल्ला प्रहरी कार्यालय बाँकेले जनाएको छ ।
वनका चौकीदार माघु थारुले जङ्गलमा बन्दुक रहेको देखेपछि इलाका प्रहरी कार्यालय बैजापुरलाई जानकारी गराउनुभएकाे थियाे । बाँके प्रहरीले साे बन्दुक बरामद गरी थप अनुसन्धान शुरु गरेकाे जनाएको छ ।
