नेपालगन्ज । बाँके जिल्लाका प्रहरी जवानहरूले मृतक सहकर्मीकाे परिवारलाई आर्थिक सहयाेग प्रदान गरेका छन् ।
जिल्लामा कार्यरत सम्पूर्ण प्रहरीहरूले सहयाेग संकलन गरेेर जिम्मेवारी निर्वाह गर्ने क्रममा ज्यान गुमाएका सहकर्मीकाे परिवारलाई आर्थिक सहयाेग प्रदान गरेका हुन् ।
जिल्ला प्रहरी कार्यालय तथा मातहत समेतमा कार्यरत प्रहरी अधिकृत तथा हवल्दार, जवानहरुले प्रहरी नायव उपरीक्षक नारायण डाँगी र ईलाका प्रहरी कार्यालय काेहलपुरका प्रहरी नायव निरीक्षक सुन्दर तिवारीकाे नेतृत्वमा संकलित दुई लाख ५७ हजार ९ सय ८८ रूपैया बुधबार मृतक प्रहरीकाे परिवारलाई सहयाेग स्वरूप हस्तान्तरण गरिएको छ ।
यही मंसिर २८ गते राती डिउटिमा खटिरहेेका बेला काेहलपुर नगरपालिका वडा न-३ स्थित मदन चाेकमा गाडीले ठक्कर दिंदा रुकुम पश्चिम मुसिकोट नगरपालिका वडा नं-१३ छिवाङ् घर भएका विशाल ओलीकाे मृत्यु भएकाे थियाे ।
