नेपालगञ्ज । बाँकेमा सहायक वन अधिकृत घुस रकमसहित पक्राउ परेका छन् ।
बाँकेकाे सव-डिभिजन वन कार्यालय, राँझामा कार्यरत सहायक वन अधिकृत नारायण पार्दे नेपालगञ्ज उपमहानगरपालिका वडा नं-११ बाट आज (बिहिवार) सात हजार घुस रकमसहित पक्राउ परेका हुन् ।
काठ चिरानको लागि सिफारिस गरिदिने प्रयोजनार्थ सेवाग्राहीसँग घुस/रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय बुटवल, सम्पर्क कार्यालय, नेपालगञ्जबाट खटिएको टोलीले सहायक वन अधिकृत पार्देलाई घुस रकमसहित पक्राउ गरेकाे छ ।
सहायक वन अधिकृत पार्देलाई सेवाग्राहीबाट ७ हजार रुपैयाँ घुस/रिसवत लिइसकेको अवस्थामा उक्त रकम तथा श्रोत नखुलेको ४५ हजार ९ सय ७५ रुपैयाँ समेत गरी जम्मा ५२ हजार ९ सय ७५ रुपैयाँ समेत बरमद गरेकाे अख्तियारले जनाएकाे छ ।
