नेपालगञ्ज । बाँकेमा चिसाे बढ्दै गएपछि डुडुवा गाउँपालिकाले आईतवारदेखि पुनः बिद्यालय बन्द गरेकाे छ ।
केही समयअघि बिद्यालय बिदा गरेर पुनः पठनपाठन शुरू गरेकाे पालिकाले जिल्लामा चिसाे बढ्दै गएपछि फेरि आईतबारदेखि पालिकाका बिद्यालय बन्द गरेकाे हाे ।
पालिकाका शिक्षा, युवा तथा खेलकुद शाखा प्रमुख संजय कुमार कर्णले केहीदिन यता चिसाे बढ्न थालेकाले आईतबारदेखि दुई दिनका लागि बिद्यालयमा बिदा दिईएकाे जानकारी दिनुभयाे ।
पालिका अध्यक्ष ज्यूकाे आदेशानुशार यस गाउँपालिका अन्तर्गतका सम्पूर्ण शैक्षिक संस्थाहरुमा माघ १४ र १५ गते (दुई) दिन अध्ययन अध्यापन कार्य बन्द राख्न सूचना जारी गरिएको छ, शाखा प्रमुख कर्णले भन्नुभयाे ।
