नेपालगञ्ज । बाँके प्रहरीले ठुलो मात्रामा अबैध रुपमा भारत जान लागेको चुरोट बरामद गरेको छ । प्रहरीले बुधबार नेपालगञ्ज उपमहानगरपालिका वडा नं १५ स्थि जमुनाहा हुँदै भारत पठाइने अबैध एक हजार दुई सय ८० प्याकेट चुरोट नियन्त्रणमा लिएको हो ।
ईलाका प्रहरी कार्यालय जमुनाहबाट खटिएको प्रहरी टोलीले भारत ढुवानी गर्न लागिएको सो चुरोटसहित संलग्न ३ जनालाई पक्राउ गरेको जिल्ला प्रहरी कार्यालय बाँकेका प्रवक्त एवं प्रहरी नायब उपरीक्षक नारायण डाँगीले जानकारी दिनुभयो ।
एक लाख अन्ठाउन्न हजार सात सय बिस रुपैयाको अन्दाजी मुल्य रहेको सो चुरोट आवश्यक कारबाहीका लागि नेपालगञ्ज भन्सार कार्यालयमा पठाईएको छ ।