नेपालगञ्ज । बाँकेमा डि.एस.पी हुँ भन्दै ठगी गर्ने एक जना पक्राउ परेका छन् । बाँके प्रहरीले डिएसपीको भेषमा ठगी गर्दै हिड्ने एक जनालाई पक्राउ गरेको जनाएको छ ।
जिल्ला प्रहरी कार्यालय बाँकेले डि.एस.पी भन्दै हिड्ने दैलेखको नारायण नगरपालिका वडा नं-५ का ३० वर्षीय नैन सिंह बिकलाई पक्राउ गरेको हो ।
बिकले जिल्लाका विभिन्न सरकारी कार्यालयहरुमा गएर कार्यालय प्रमुखहरुलाई भेटेर आफु डिएसपी भएको भन्दै भेट्ने र सर्वसाधारणहरुलाई ठगी गर्दै थिए ।
बाँके प्रहरी प्रवक्ता नारायण डाँगीले तीन महिनादेखि बिकले जिल्लामा यस्तो कार्य गर्दे आएको जानकारी दिनुभयो । आफु सि.आई.बी प्रहरी र राष्ट्रिय अनुसन्धानको डि.एस.पी नविन शाही हुँ बिकले भन्दै आएको प्रवक्ता डाँगीले बताउनुभयो ।
सर्वसाधारण ठगिएको प्रहरीले सूचना पाएपछि उनलाई बाँकेको कोहलपुर वडा नं-११ को एन टिभी रोडबाट मंगलबार नियन्त्रणमा लिएको थियो । बिकले कसैलाई ठगी गरेको भए कार्यालयमा निवेदन बाँके प्रहरीले आग्रह गरेको छ ।
